Patang Si Zindagi....

patang si zindagi...
kayi doro se bandhi...
thaame hue alag haath inn doro ko..
ek haath sirf ek haath mera bhi...

Ude patang... doobe patang..
ek dor se dheel mile...
toh dusri dor koyi kheenche bhi...

nauseekhiya sa mai...
kaafi aur haath anari bhi..
kon woh... khiladi hai...
jo sach mei patang udaaye bhi...

hawa bhi disha deti hai...
jise na jaane kon bahata hai...
koshish kar raha, ude disha viprit bhi...
aur patange bhi udd rahi...
kuchh ladd rahi... kuch de rahi preet bhi...

baarish bhi kabhi ho jaati hai...
geeli patang.. murjha jaati hai..
dhoop ka karti intezaar...
patang si zindagi....

dhaage dhaago ko kaat rahe...
kayi aur dhaago se bandh rahi...
kuchh dhaage toot rahe...
Kuchh gaanthe pad rahi...
patang si zindagi....