zindagi dekhi..

Aaj kuchh baadlo pe silvate dekhi... 
sitaro ko lete karvate dekhi... 
Os ki boonde aasmaan pe dekhi...


hawa pe chalti kuchh aarzooen dekhi... 
baarish mei barasti muskurahate dekhi... 
kuchh apno se basi ek basti dekhi..
kuchh aankhen jagti.. kuch soti dekhi...
 khel khilone or masti dekhi.. 
mitti pe lot lagati baal hath ki hunkaar dekhi...


lakdi ki ek kaathi dekhi... 
dori waali gaadi dekhi... 
angdaayi leti ek patang bhi dekhi...
kabhi aadi kabhi tedhi dekhi....


This is incomplete..
Will complete this some day

Yaad..

Dhuwon mei, dhuwon si.. dhundhli...
gubbaro si phooli.. barso se bhooli...
suraj ki pehli kiran si ujali..
waqt ki karwato se badli..
thodi sookhi.. thodi.. gili.
pehli unsuljhi si woh paheli...
woh yaad sajili..

dhool mei san kar khili hui..
ghootno chal kar khadi hui...
ladkhada kar gir kar.. sambhli hui..
daud kar bhaag kar thami hui..
mudd kar dekha toh..
wahi.. buss wahi ruki.. hui..
woh yaad, woh baat thand mei jami hui...

pahiya aagey ghoom raha..
woh peechhe chhoot rahi..
dhoop ke padne se..
os ki boonde sookh rahi..
mai aagey sarkta ja raha..
woh haath hilaati khadi rahi...